SpaceX компанияси Starship тизимининг 12-парвози доирасида янги рекорд ўрнатди. Ракета орбитага тахминан 45 тонна оғирликдаги Starlink сунъий йўлдошларининг масса симуляторларини олиб чиқди. Бу 1973-йилда Сатурн В ракетаси Skyлаб орбитал станциясини (77 тонна) коинотга етказганидан бери бир марталик парвозда ташилган энг оғир юкка айланди. Бу ҳақда Ixbt.com хабар беради.
Трутҳфул аккаунти томонидан эълон қилинган ва Elon Musk томонидан тасдиқланган маълумотларга кўра, ушбу воқеа кўп марта ишлатиладиган космонавтика ривожида муҳим босқич ҳисобланади. Starship аста-секин ўзининг асосий мақсади — тарихдаги энг юқори юк кўтариш қобилиятига эга ва энг тежамкор етказиб бериш тизимига айланиш сари яқинлашмоқда.
Таққослаш учун, Falcon Heavy ракетасининг юк кўтариш қуввати паст ер атрофи орбитасига (ЛEО) 63,8 тоннагача етиши мумкин, бироқ бу фақат ракета босқичлари қайтарилмаган ҳолатда амалга ошади. Starship тизимининг асосий фарқи эса унинг барча элементлари тўлиқ кўп марта фойдаланишга мўлжалланганлигидадир.
Аввалроқ Starship 20 та Starlink симулятори ва суратга олиш учун махсус мослаштирилган иккита модификацияланган сунъий йўлдошни муваффақиятли чиқаргани хабар қилинган эди. Кейинги парвозларда ҳақиқий сунъий йўлдошлар учирилиши кутилмоқда, бу эса глобал сунъий йўлдош тармоғини кенгайтиришни сезиларли даражада тезлаштиради.
“Zamin”ни Telegram'да ўқинг!
