Машҳур “Тис ис фине” меми яратувчиси, рассом КК Греэн ўз ишидан ноқонуний фойдаланганликда айблаган Артисан стартапи билан ўзаро келишувга эришганини маълум қилди. Низога стартапнинг Ава деб номланган сунъий интеллект ёрдамчисини реклама қилишда Греэннинг асаридан фойдалангани сабаб бўлган эди. Бу ҳақда Techcrunch.com хабар беради.
Артисан компаниясининг автобус ва метролардаги рекламаларида Греэннинг таниқли ити оловлар қуршовида тасвирланган. Бироқ ундаги анъанавий “Тис ис фине” (Ҳаммаси жойида) ибораси ўрнига “Мй пипелине ис он фире” (Менинг қувурларим ёнмоқда) деган ёзув жойлаштирилган ва одамларни “Ава исмли AI-менежерни ишга олишга” чақирган.
Шу ой бошида КК Греэн ижтимоий тармоқларда унинг санъати “худди сунъий интеллект ўғирлагандек ўғирланганини” ёзиб, ўз кузатувчиларини ушбу рекламаларни кўрганда уларга зарар етказишга (вандализмга) чақирган эди. Рассом TechCrunch нашрига берган интервюсида комикслар устида ишлаш ўрнига Америка суд тизими билан вақт ўтказишдан чарчаганини билдирган.
Артисан вакиллари эса ўз навбатида Греэн ва унинг ижодига катта ҳурмат билан қарашларини таъкидлашди. Компания асосчиси ва бош директори Жаспар Кармичаел-Жакк томонлар келишувга эришганини эълон қилди. Греэннинг тасдиқлашича, Артисан Нью-Йорк ва Сан-Францискодаги барча рекламаларни олиб ташлаган, рассом эса ўз навбатида стартапга қарши ёзган дастлабки постини ўчириб ташлаган.
“Zamin”ни Telegram'да ўқинг!
