"Тҳис ис фине" меми муаллифи KC Греен Артисан сунъий интеллект стартапини унинг асаридан рухсатсиз фойдаланганликда айблади. Ижтимоий тармоқларда тарқалган суратларда метро бекатидаги рекламада машҳур ит тасвири ва "Менинг қувурим ёнмоқда" ёзуви акс этган. Бу ҳақда Techcrunch.com хабар беради.
Реклама орқали одамларни сунъий интеллект ходимини ишга олишга чақирилган. Греен бу ҳолатга муносабат билдириб, асари ўғирланганини ва ҳеч қандай келишув бўлмаганини таъкидлади.
TechCrunch нашрининг сўровига жавобан Артисан компанияси муаллиф ижодини ҳурмат қилишини ва у билан боғланишга ҳаракат қилаётганини маълум қилди.
Рассом ўз ҳуқуқларини ҳимоя қилиш учун юридик ёрдам излаётганини айтиб ўтди. Унинг сўзларига кўра, мемлар ўз-ўзидан пайдо бўлмайди ва муаллифлик ҳуқуқи ҳурмат қилиниши керак.
“Zamin”ни Telegram'да ўқинг!
