O‘zbekistonda 2025 yil boshidan beri 9 oy ichida UzAuto Motors brendiga tegishli 141 304 ta avtomobil sotilgan.
Agar Khorezm Auto ostida ishlab chiqarilayotgan Damas va Labo modellari ham qo‘shilsa, umumiy sotuv hajmi 245 141 donaga yetgan.
Bu esa o‘tgan yilning shu davriga nisbatan taxminan 20 foizga kamdir — 2024 yilda 9 oyda 303 373 dona avtoulov sotilgan edi.
Kuzatilayotgan yo‘qotishlarga qaramasdan, UzAuto tomonidan hali bo‘lmagan darajadagi chegirmalar va foizsiz avtokreditlar taklif qilinmoqda.Shu bilan birga, barcha bozordagi sotuvlarda UzAM ulushi ham pasayishda davom etyapti.
Agar o‘tgan yili har 100ta sotilgan mashinaning 89tasi UzAMniki bo‘lgan bo‘lsa, bu yil bu ko‘rsatkich 83tani tashkil etmoqda.
Ayni paytda rasmiy statistikaga norasmiy olib kirilayotgan avtomobillar kiritilmagan.
Shu sababli, real bozorda UzAuto Motors ulushi bundan ham kam bo‘lishi mumkin.
Bozorda raqobatchi brendlar ulushi ortib bormoqda.
