Xitoy texnologiya frontida yana wow-effekt. Mamlakat muhandislari ko‘p tonnali elektromagnit platformali vagonni atigi ikki soniyada 700 km/soat tezlikka olib chiqishga muvaffaq bo‘ldi. Ha, bu oddiy poyezd emas — bu kelajak transporti.
Xitoy markaziy televideniyesining xabariga ko‘ra, ushbu tajriba orqali magnit levitatsiya texnologiyalari bo‘yicha jahon rekordi o‘rnatilgan. Sinov 400 metrli maxsus yo‘lakda o‘tkazilgan: platforma belgilangan tezlikka chiqib, so‘ng xavfsiz tarzda to‘xtagan.
Texnologiya Xunan viloyatining Chansha shahrida joylashgan Milliy mudofaa fan va texnologiya universiteti olimlari tomonidan ishlab chiqilgan. Muhim detal: bu loyiha ustida 10 yil davomida izchil tadqiqotlar olib borilgan.
Mutaxassislarning aytishicha, mazkur ishlanma vakuumli transport tizimlari, shuningdek, aerokosmik texnologiyalarni ishga tushirish va sinovdan o‘tkazish uchun butunlay yangi imkoniyatlarni ochib beradi. Qisqasi, bu faqat tezlik emas — bu global texnologik o‘yin qoidalarini o‘zgartiradigan qadam.
Mehmon guruhidagi foydalanuvchilar ushbu nashrga izoh qoldira olmaydi.
