O‘zbekistonda yanvar—fevral oylarida qancha Gentra ishlab chiqarilgani ma’lum bo‘ldi

O‘zbekiston avtomobil ishlab chiqarish sanoatida 2022 yilning yanvar—fevral oylarida jami 39 922 ta yengil avtomobil ishlab chiqarildi. Bu haqda Davlat statistika qo‘mitasi ma’lum qildi.

Ma’lum qilinishicha, o‘tgan ikki oy ichida eng ko‘p Lacetti-Gentra avtomobili ishlab chiqarilgan — 12 340 dona. Avvalroq fevral oyining o‘zida 8 124 dona Gentra ishlab chiqarilgani to‘g‘risida xabar berilgandi.

Lacetti-Gentra — 12 340 dona
Cobalt — 10 787 dona
Damas — 9 283 dona
Nexia T-250 — 2 902 dona
Spark — 890 dona
maxsus yengil avtomobillar — 3 720 dona

Eslatib o‘tamiz, 2021 yil davomida O‘zbekistonda ikki dona Lacetti-Gentra avtomobili ishlab chiqarilgan. UzAuto Motors 2022 yil 3 martdan boshlab ommabop modellarning shartnomalari yangilanishi — Chevrolet Lacetti-Gentra, Cobalt, Nexia va Spark avtomobillari uchun shartnomalar qayta tiklanishi haqida «Daryo»ga rasman ma’lum qilgandi. Yangi avtomobillar uchun shartnoma tuzish boshlangani e’lon qilingandan so‘ng bir necha soat ichida 13 203 ta avtomobilga shartnoma tuzilgan. Kompaniya xaridorlarga qo‘shimcha qulaylik yaratish maqsadida, oldindan to‘lov miqdorini 85 foizdan 50 foizga tushirgan. O‘zbekistonda 1 martdan boshlab LADA avtomobillari narxi 3 foizdan 10 foizga oshgan.

Shuningdek, Chevrolet Traverse va Tahoe avtomobillarini xarid qilish uchun arizalar qabul qilish boshlanganidan so‘ng, dastlabki 20 daqiqada kompaniyaga 200 dan ortiq buyurtma kelib tushgan. Ushbu avtomobillarga ariza qabul qilishning ilk kuni natijalariga ko‘ra, 320 dan ortiq buyurtma olingan. “Zamin” yangiliklarini “Instagram”da kuzatib boring