Ukrainani tiklashga qancha pul kerakligi hisoblandi

^{Vayron qilingan Irpen (Ukraina).
Foto: Misha Jos / Facebook}
Rossiya bosqinidan so‘ng vayron qilingan Ukrainani tiklashga 1 trillion yevrogacha (1,1 trln dollar) mablag‘ kerak bo‘ladi. Bu haqda Yevropa investitsiya banki rahbari Verner Hoyerga asoslanib «Bloomberg» xabar berdi.

«Nega trillion dedim? Chunki Ukrainadagi vayronalik darajasini ko‘rarkanman, ijtimoiy tarmoqlarda tarqalgan raqamlarni haqiqatdan uzoq deb hisoblayman», — dedi Hoyer Frankfurtdagi brifingda. Eng katta yordamni Yevropa ko‘rsatishi kerak, ta’kidladi u.

Nashrga ko‘ra, YEI yetakchilari 23-24 iyun kunlari Bryusselda yig‘ilib, Ukrainani tiklash hamda uning blokka a’zolik masalasini muhokama qiladigan tadbirda ham ushbu raqamlar tilga olinadi.

Iyul oyida Shveysariyaning Lugano shahrida o‘tadigan Ukraina bo‘yicha konferensiyada Kiyev mamlakatni tiklash rejasini taqdim etishi kutilyapti. “Zamin”ni Telegramʻda oʻqing!