1 889
AQSH Rossiya diplomatlarini olib ketishi kerak bo‘lgan maxsus samolyotni qabul qilishdan bosh tortdi
Foto: «TASS»
AQSH hukumati Amerika hududini tark etish buyurilgan rossiyalik diplomatlar va ularning oila a’zolarini olib ketish uchun kelgan maxsus reysni qabul qilishdan bosh tortdi, bu haqda Rossiya Tashqi ishlar vazirligi maxsus vakili Mariya Zaxarova ma’lum qildi, deb yozadi Meduza.
«Vashington mamlakatimizga nisbatan navbatdagi dushmanlarcha xatti-harakati bilan ko‘zga tashlandi, — deyiladi uning TIV saytidagi izohida. — Jo Bayden ma’muriyati gap aslida gumanitar aksiya haqida borayotganini butunlay rad etishni afzal ko‘rdi, bizning samolyotimiz Davlat departamenti avvalroq shu oy oxirigacha AQSH hududini tark etishni qat’iy talab qilgan hamkasblarimizni olib ketish uchun uchib borishi kerak edi».
Zaxarova Amerika hukumatining «qo‘rs xatti-harakati»ga javoban «shu jumladan asimmetrik xususiyatga ega qarshi choralar» ko‘rilishiga va’da berdi. Ular haqida diplomatik kanallar orqali qo‘shimcha ma’lum qilinadi.
2021 yil sentabrida Davlat departamenti Rossiya tomoniga diplomatik missiyaning AQSHni tark etishi buyurilgan 55 nafar xodimidan iborat ro‘yxatni taqdim etgandi. 27 nafar xodim mamlakatni 30 yanvargacha tark etgan, yana 28 kishi 2022 yil 30 iyungacha ketishi kerak edi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Hokimlik xodimi firibgarlik ortidan qo‘lga tushdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Ukraina yaradorlar bilan qanday muomala qilayotgani ma’lum qilindi
Daniyada endi ayollar ham majburiy harbiy xizmatni o‘taydi
Pentagon Ukraina yuzasidan kutilmagan muammoga duch keldi
Iordan daryosi G‘arbiy sohilida falastinlik talabalar nemis diplomatini tadbirdan quvib chiqardi
Joze Mourino Yevro—2024 favoritlarini sanab o‘tdi