Tanzila Norboyeva Qirg‘iziston prezidenti bilan uchrashdi

Oliy Majlis Senati Raisi Tanzila Narbayeva boshchiligidagi O‘zbekiston parlamenti delegatsiyasi Cho‘lpon-Ota shahrida bo‘lib o‘tgan Turkiy tilli mamlakatlar Parlament assambleyasining (TurkPA) XI yalpi majlisida ishtirok etdi.

Qirg‘iziston prezidenti Sadir Japarovning TurkPA majlisida ishtirok etayotgan parlament delegatsiyalari rahbarlari bilan qisqacha uchrashuvi bo‘lib o‘tdi.

Qirg‘iziston rahbari Bishkek turkiy davlatlar bilan aloqalarni chuqurlashtirishga katta ahamiyat berayotganini va TurkPAga asos solgan davlatlardan biri sifatida ushbu parlamentlararo birlashma mamlakatlar o‘rtasidagi hamjihatlik va birdamlik namunasi sifatida shakllanishidan manfaatdor ekanini ta’kidladi.

Xususan, prezident Sadir Japarov O‘zbekiston bilan ko‘p qirrali aloqalar jadal rivojlanib borayotganini, prezident Shavkat Mirziyoyevning sa’y-harakatlari va siyosiy irodasi tufayli o‘zaro aloqalar strategik hamkorlik xususiyatiga ega bo‘lganini mamnuniyat bilan qayd etdi.

Davlat rahbari bilan uchrashuvda Qirg‘iziston Jogorku Keneshi Torag‘asi Talant Mamitov, Ozarbayjon Miliy Majlisi Raisi Sagiba Gafarova, Turkiya Buyuk millat majlisi Raisi Mustafo Shentop, Vengriya parlamenti raisi o‘rinbosari Shandor Lejak va Turkmaniston Milliy Gengeshi Xalk maslahati raisi o‘rinbosari Qosimguli Babayev ham ishtirok etdi.