Foto: nature.com
Xitoyning eng yirik shaharlari rasmiylariga pandemiyada karantin uchun ishlatilishi mumkin bo‘lgan dam olish va ko‘ngilochar joylarni qurish orqali kelajakdagi favqulodda vaziyatlarga tayyorgarlikni kuchaytirish buyurildi. Bu haqda Bloomberg xabar berdi.
Buyruq Xitoy o‘zining kovidni nollashtirish bo‘yicha qat’iy siyosatini tugatganidan bir necha oy o‘tgach berilgan. Shu tariqa shaharlar bo‘ylab “ikki barobar favqulodda holat” deb tasniflanadigan obyektlar quriladi. Oddiy vaqtda ular turizm va ommaviy dam olish uchun ishlatiladi. Biroq, navbatdagi favqulodda vaziyat yuzaga kelganda, ular davolash va karantin markazlari, shuningdek, buyumlarni saqlash joylari sifatida xizmat qiladi.
Bosh vazir o‘rinbosari Xe Lifenning ta’kidlashicha, yangi obyektlar qurilishi mamlakatning mutanosib rivojlanishi va xavfsizligini ta’minlash uchun zarur bo‘lgan infratuzilmani rivojlantirishning bir qismidir. Buning uchun xususiy kapital jalb qilish rejalashtirilmoqda.
“Zamin” yangiliklarini “Twitter”da kuzatib boring
