14:00 / 10.07.2016
7 411

Afg‘onistonda gaz ballonlarining portlashi oqibatida 2 kishi halok bo‘ldi

Afg‘onistonda gaz ballonlarining portlashi oqibatida 2 kishi halok bo‘ldi
Shanba kuni kechki payt Afg‘oniston poytaxtida gaz balloni portlashi oqibatida 2 nafar fuqaro halok bo‘ldi, deb xabar beradi “telegraf.uz”

Voqea poytaxt do‘konlaridan birida sodir bo‘lgan. Portlash natijasida do‘konning ikki egasi olamdan o‘tgan. Portlash mahalliy aholi o‘rtasida dastlab jangarilarning navbatdagi hujumi deb e’tirof qilingan.

Eslatib o‘tamiz, yaqinda Qobul shahrida xudkushlar tomonidan ikki marta hujum uyushtirilgan va oqibatda 14 nafar nepallik ko‘riqlash xodimi hamda afg‘on polisiyasining 30 nafar xizmatchisi halok bo‘lgan.

Shuni qayd etish joizki, Afg‘oniston hududida gaz ballonlaridan portlash hollari tez-tez uchrab turadi. Bunday portlashlarning asosiy sabablaridan biri, gaz ballonlarining o‘ta sifatsizligi va aholining ulardan ehtiyotkorsizlik bilan foydalanishlaridan iborat.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Afg‘onistonda gaz ballonlarining portlashi oqibatida 2 kishi halok bo‘ldi