“Vagner” o‘z jangchilariga boshqa ish izlashni maslahat berdi

1 daqiqa o'qish878
“Vagner” o‘z jangchilariga boshqa ish izlashni maslahat berdi

Foto: Reuters

“Vagner” xususiy harbiy kompaniyasi (XHK) vakili jangchilarga boshqa ish topishni tavsiya qildi, chunki guruh endi Ukrainadagi urushda qatnasha olmaydi, bundan tashqari ular Rossiya Mudofaa vazirligi va Rosgvardiya bilan Afrika va Yaqin Sharqda jiddiy raqobatga duch kelmoqda. Bu haqda “Vajniye istorii” nashri yollanma askarlar chat guruhlariga tarqatilgan audioga tayanib yozdi. “Vagner”chilar audioning haqiqiyligini tasdiqlagan.

Ovozli xabar yo‘llagan shaxs (uning guruhdagi maqomi noma’lum) vaziyatni “o‘ta og‘ir” deb ataydi va “Vagner” uchun “maxsus harbiy operatsiyaga kirishga ruxsat yo‘qligini” ta’kidlaydi.

“Bir necha o‘n minglab tayyorgarlikdan o‘tgan jangchilar ishga va o‘z vatanini himoya qilishga tayyor, ammo ma’lum holatlar tufayli bizni haligacha kiritishmayapti. Hozir Afrika va Yaqin Sharqda ish topish imkoniyatlarini izlashga majburmiz. U yerdagi vaziyat ham og‘ir. Mudofaa vazirligi va Rosgvardiya bilan kuchli raqobat bor, ular ham biznikiga o‘xshash tadbirlar o‘tkazib, u yerga kirishni rejalashtirmoqda va harakat qilmoqda”, — deyiladi audio xabarda.

XHK vakilining so‘zlariga ko‘ra, Yevgeniy Prigojin Afrikaga so‘nggi safari chog‘ida “ushbu masalalarni hal qilgan”, endi ular “rahbariyat tomonidan yanada ko‘proq hal qilinadi”. Uning ta’kidlashicha, XHK o‘z jangchilarini ish bilan ta’minlashga harakat qildi, ammo qachon va qanday ko‘lamda ekani noma’lum.

“Shuning uchun, yo kuting yoki pul ishlashning boshqa usullarini qidiring. Xalqaro vaziyatni kuzatib boring. Agar bizning jamoamiz maxsus operatsiyaga qabul qilinsa, biz ishga qabul qilish faoliyatini faol davom ettiramiz, ish bo‘ladi”, — dedi XHK vakili.

The Wall Street Journal nashrining yozishicha, Yevgeniy Prigojin hayotining so‘nggi kunlarini Afrika bo‘ylab safarda o‘tkazgan. 18 avgust kuni XHK rahbari Markaziy Afrika respublikasi prezidenti Fostin-Arkanje Tuadera bilan uchrashib, uni hamkorlikni davom ettirishga ishontirishga uringan — nashrning yozishicha, Rossiya prezidenti Vladimir Putin avvalroq Tuaderaga Prigojindan uzoqlashishni maslahat bergan.

Prigojinning o‘limidan bir oz oldin, Rossiya mudofaa vazirining o‘rinbosari Yunusbek Yevkurov Liviyaga bordi — mamlakatda bu tashrif endi hamkorlik armiya darajasida olib borilishiga ishora sifatida qabul qilindi. Jurnalist Andrey Zaxarovning ta’kidlashicha, Prigojindan Suriyadan ham “chiqish” so‘ralgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?