Vengriyaning Ukraina bo‘yicha shov-shuvli bayonoti: “Rossiyaga xavfsizlik kafolati bering”

^{Foto: ORIGO}

Vengriya yana bir bor Ukrainani NATOga qabul qilmaslik borasida shov-shuvli bayonot berdi. Bu haqda Hirado xabar berdi.

Tegishli bayonot Vengriya bosh vaziri kanselyariyasi rahbari Gergeliy Gulyash tomonidan e’lon qilingan.

“Ukrainani qo‘llab-quvvatlayotgan G‘arb dunyosi Rossiyaga xavfsizlik kafolatlarini berishi kerak, biroq ukrainaliklar hech qanday holatda NATO a’zoligiga qabul qilinmasligi kerak”, — dedi u.

Vengriya rasmiysiga ko‘ra, tinchlikparvar kuchlarning kiritilishi va boshqa shunga o‘xshash qarorlar uzoq muddatda Ukrainada tinchlikni ta’minlay oladi. U Ukraina endi Rossiya tomonidan bosib olingan hududlarni qaytarib olmasligini aytdi.

Bundan tashqari, Gulyash Ukraina va Rossiya o‘rtasida samarali muzokaralar faqat AQSH ishtirokida bo‘lishi mumkinligini bildirdi. U Rossiya Markaziy Yevropaga tahdid solmasligi, chunki Rossiya so‘nggi bir yarim yil ichida Ukrainada “tez va ajoyib natijalarga erisha olmagani”ni qayd etdi.

Shuhrat Razzakov

«ZAMIN.UZ» muharriri