Foto: Getty Images
Rossiya prezidenti Vladimir Putin jonli muloqot chog‘ida G‘arb Ukrainaga ko‘rsatayotgan yordam tez orada tugashi haqida gapirdi.
Putinning fikricha, Ukraina iqtisodiyotining o‘zi hozirda hech narsa ishlab chiqarmayapti va ukrainlarga «barchasi tekinga olib kelinmoqda», ammo «tekin sovg‘a tugaydi».
Putin shuningdek Ukrainadagi urush faqat Rossiya o‘z maqsadlariga erishgandagina yakunlanishini aytib o‘tgan. Uning so‘zlariga ko‘ra, bu maqsadlar «denatsifikatsiya», «demilitarizatsiya» va Ukrainaning betaraflik maqomi hisoblanadi.
Putinning fikricha, Ukrainaga «denatsifikatsiya» darkor, shuning uchunki Stepan Bandera — Ukraina qahramoni va prezident Volodimir Zelenskiy «oyoqqa turib gestapo zobitini olqishlaydi».
Putin ukrain harbiylari yirik qarshi hujumi vaqtida «hech qayerda hech narsaga erisha olmagani»ni qayd etib o‘tgan.
Uning fikricha, qarshi hujum g‘oyasi faqat G‘arbdan qo‘shimcha moliyalashtirish bo‘lishi uchun amalga oshirilgan.
«Bu aftidan, Ukraina rahbariyatining mamlakat ehtiyojlari, harbiy qismlar, texnikalar, o‘q-dorilar uchun qo‘shimcha pul so‘rash maqsadidagi xorijiy safarlari bilan bog‘liq. Yondashuv shunday ko‘rinadi: ular aylanib yurib, tilanchilik qilayotganida qarshi hujum deb atalgan harakatlar doirasida Ukraina qurolli kuchlarida nima qilib bo‘lsa ham, hech qanday yo‘qotishlar bilan hisoblashishmasdan bo‘lsa ham, nimagadir erishish imkoniyatiga egaligini ko‘rsatish kerak», — degan u.
Vladimir Putinning so‘zlariga ko‘ra, ukrainlar «yo‘q qilinishini tushungani» tufayli Dnipro daryosi orqali ko‘priklar qurib o‘tirmayapti.
«Men buni mamlakat siyosiy rahbariyatining ahmoqligi va mas’uliyatsizligi deb bilaman. Ammo bu ularning ishi», — degan Putin.
“Zamin” yangiliklarini “Telegram”da kuzatib boring
