Moskvadagi terakt: uch nafar tojikistonlik gumondorning aloqasi yo‘qligi aniqlandi

^{Foto: “RIA Novosti”}
Moskvadagi “Crocus City Hall” majmuasida sodir etilgan teraktni uyushtirishda gumon qilinib, suratlari tarqatilgan tojikistonliklarning uch nafari voqeaga aloqasi yo‘qligi oydinlashdi.

Tojikistonlik 29 yoshli Rustam Nazarov kun bo‘yicha Samara shahrida qarindoshlari qurshovida bo‘lgan.

Yigit o‘z suratini internetda ko‘rgach, ertalab mahalliy kuchishlatar tizimlarga borib, xato haqida ma’lum qilgan. Terakt chog‘ida Samarada taksichi bo‘lib ishlovchi Rustam uyda ota-onasi bilan kechki ovqat tanovul qilayotgan bo‘lgan.

Tojikiston IIV esa Moskvadagi teraktda gumon qilinayotlarning ikki nafari ayni damda Tojikistonda bo‘lib turganini xabar berdi. Gap Rivojiddin Ismonov va Mahmadrasul Nasridinov haqida bormoqda.

Ular 2023 yilning 26 noyabrida Rossiyadan qaytib kelib, shu kungacha mamlakatni tark emasdan, Tojikistondagi o‘z turar joylarida yashab kelishgan. “Zamin”ni Telegramʻda oʻqing!