Parij prokuraturasi Pavel Durovga qo‘yilgan shartlar haqida gapirdi

^{© AP Photo / Roman Kulik}
Parij prokuraturasi Telegram asoschisi Pavel Durovga qo‘yilgan shartlar haqida gapirib berdi, deb xabar berdi RIA Novosti.
"Durov o‘zining sudyalarga ma’lum qilgan manzilida qolishi kerak", - deb javob berdi sud u harakatlana oladimi yoki yo‘qmi degan savolga javoban.

Shu bilan birga, prokuratura Durovning sud nazorati normalariga rioya qilishi, jumladan, haftasiga ikki marta politsiya bo‘limiga xabar berishi kerakligini eslatib o‘tdi, lekin jamoatchilikka buni ma’lum qilish shart emasligini ham ta’kidlandi.

Departamentning qo‘shimcha qilishicha, Telegram asoschisi besh million yevro miqdoridagi garov pulini bo‘lib-bo‘lib to‘laydi. Shuningdek, u o‘ziga qarshi ish materiallari bilan tanishish huquqiga ega bo‘ladi. Shu tariqa u sudga o‘zining aybsizligini isbotlovchi ma’lumotlarni taqdim eta oladi.

Ma’lum bo‘lishicha, Durovga nisbatan tergov bir necha oy davom etishi mumkin. Shundan so‘ng prokuratura zarur deb topsa, ishni tugatish yoki jinoyatlarni qayta tasniflagan holda jinoyat ishlari bo‘yicha sudga o‘tkazish to‘g‘risida qaror qabul qiladi. Keyin tergov sudyalari ishni tugatish yoki sud majlisini tashkil etish to‘g‘risida hukm chiqaradilar.

Eslatib o‘tamiz, Pavel Durov 24 avgust kuni Parij Le Burje aeroportida qo‘lga olingan edi. Bu voqea ko‘plab mamlakatlarda jamoatchilikning keng tanqidiga sabab bo‘ldi. Telegram asoschisi bir qator jinoyatlarda gumonlanmoqda. Ulardan asosiysi - huquqni saqlash organlari bilan yetarli darajada hamkorlik qilmaslik. “Zamin” yangiliklarini “Odnoklassniki”da kuzatib boring