Foto: AP
Spirtli ichimliklar hatto yosh va sog‘lom odamlarda ham yurak bilan bog‘liq muammolarni keltirib chiqaradi, deb xabar beradi Stuttgarter Nachrichten gazetasi Myunxen universiteti klinikasi (LMU Klinikum) tadqiqotiga tayanib.
Tadqiqot jarayonida olimlar EKG yordamida yoshlarning yurak urish ritmini 48 soat kuzatdi. Mutaxassislar spirtli ichimlik iste’mol qilishdan oldingi davr, iste’mol qilish davri va tiklanish davri o‘rtasidagi farqlarni aniqladi.
Tadqiqotda muntazam ravishda spirtli ichimlik iste’mol qiladigan 200 dan ortiq yosh erkak va ayollar ishtirok etdi. Ta’kidlanishicha, tadqiqot paytida qondagi alkogol miqdorining eng yuqori darajasi 2,5 promillega yetgan.
“Klinik ahamiyatga ega aritmiyalar sog‘lom ishtirokchilarning 5 foizidan ko‘prog‘ida, asosan tiklanish bosqichida kuzatildi. Tadqiqotimiz alkogolni o‘tkir tarzda haddan tashqari iste’mol qilishning kardiologiya nuqtayi nazaridan salomatlikka yana bir salbiy ta’sirini ko‘rsatmoqda”, — dedi LMU tadqiqot guruhi a’zosi Moris Sinner.
Tadqiqotchilar spirtli ichimliklar yurak faoliyatiga jiddiy ta’sir ko‘rsatishi mumkin, degan xulosaga keldi. Ularni iste’mol qilishning yurak salomatligiga uzoq muddatli salbiy oqibatlari kelgusi tadqiqotlar mavzusi bo‘lib qolmoqda.
Nashrning yozishicha, alkogolning yurakka salbiy ta’siri haqida nemis olimlarining boshqa tadqiqotlarida ham so‘z boradi.
Bir necha yil oldin Hamburg-Eppendorf universiteti klinikasi (UKE) e’lon qilgan tadqiqotda hatto sog‘lom odamlarda ham muntazam ravishda oz miqdorda iste’mol qilinadigan alkogol yurak bo‘lmachalari fibrillyatsiyasini keltirib chiqarishi mumkinligi aytilgandi.
Rossiyaning Amaliy ijtimoiy psixologiya instituti rahbari, ijtimoiy psixolog, psixologiya fanlari nomzodi Aleksandr Shaxov ma’lum qilishicha, oz miqdorda ichilganda alkogol stimulyator sifatida ta’sir ko‘rsatadi, mushak zo‘riqishini bartaraf etadi va tanani bo‘shashtiradi. Biroq miqdor oshirilganda, alkogol ruhiy tushkunlikka olib kelib, psixikani ezuvchi depressantga aylanadi.
Sankt-Peterburg sog‘liqni saqlash qo‘mitasining bosh nevrologi Igor Voznyuk alkogolning neyronlarga ta’siri haqida aytgan.
“Alkogol yoki alkogolli ichimliklar tarkibida etanol — giyohvandlikni keltirib chiqaradigan psixoaktiv va toksik modda mavjud. Etanol neyronlar uchun yuqori faol zahar bo‘lib xizmat qiladi, ularning uzatish funksiyasini “o‘chiradi” va resurslarni yo‘qotadi. Alkogolning har qanday miqdori neyronlar o‘rtasidagi aloqalarni zararlaydi, odam spirtli ichimliklarni qanchalik ko‘p iste’mol qilsa, neyronlarning shikastlanish sohasi shunchalik katta bo‘ladi, umuman olganda, organizmga salbiy ta’sir shunchalik ko‘p bo‘ladi”, — deydi u. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
