DNK tahlili Kolumb G‘arbiy yevropalik sefard yahudiy ekanini tasdiqladi

2 daqiqa o'qish249
DNK tahlili Kolumb G‘arbiy yevropalik sefard yahudiy ekanini tasdiqladi
XV asr tadqiqotchisi Xristofor Kolumb G‘arbiy yevropalik sefarad yahudiy bo‘lgan. Bu haqda ko‘p asrlik sirni hal qilish uchun DNK testini qo‘llagan ispan olimlari ma’lum qildi.
DNK tahlili Kolumb G‘arbiy yevropalik sefard yahudiy ekanini tasdiqladi
Foto: Reuters/ Sevilya soboridagi Xristofor Kolumb cherkovi
1490 yillarda Ispaniya tomonidan moliyalashtirilgan ekspeditsiyalarga rahbarlik qilgan Kolumbning kimligi va kelib chiqishi tarixchilar uchun sir bo‘lib qolgan edi.

An’anaviy nazariyaga ko‘ra, Kolumb Genuyadan (Italiya) kelgani, shuningdek, kelib chiqishi ispan, yunon, bask, portugal yoki ingliz bo‘lishi mumkinligi to‘g‘risidagi taxminlar ham bo‘lgan.

22 yil davomida tadqiqot olib borgan ispan olimlari bu sirni ochishni o‘z oldilariga maqsad qilib qo‘ygan edi. Sud-tibbiyot olimi Migel Lorente boshchiligidagi tadqiqotchilar Sevilya soborida dafn etilgan suyak qoldiqlarning mayda namunalarini o‘rganib chiqdi, u yerda uzoq vaqtdan beri Kolumb suyak qoldiqlari qolgan deb ishonilgan. Bu qoldiqlar uning taniqli qarindoshlari va avlodlarining DNKsi bilan solishtirilgan.
DNK tahlili Kolumb G‘arbiy yevropalik sefard yahudiy ekanini tasdiqladi
Foto: Reuters/ Xristofor Kolumbning tobuti, Sevilya, Ispaniya
Tadqiqot natijalari Ispaniyaning TVE telekanalida namoyish etilgan “Kolumb DNKsi: asl kelib chiqish” hujjatli filmida taqdim etildi. Dasturda Migel Lorente shunday dedi:

“Bizda Xristofor Kolumbning DNKsi bor, qisman bo‘lsa-da, lekin yetarli. Biz uning o‘g‘li Hernando Kolonning DNKsini ham sinab ko‘rdik”.

Lorentening ta’kidlashicha, Hernandoning Y xromosomasi ham, mitoxondriyal DNK ham yahudiylarga tegishlilik xususiyatlarni o‘z ichiga oladi.

Qayd etilishicha, katolik monarxlari Izabella va Ferdinand yahudiy va musulmonlarga majburan dinni qabul qilish yoki mamlakatdan chiqarib yuborish to‘g‘risida farmon chiqargunga qadar Ispaniyada taxminan 300 mingta yahudiy yashagan.

Kolumbning kelib chiqishi mumkin bo‘lgan joylarini tahlil qilib, tadqiqotchilar u G‘arbiy Yevropada tug‘ilgan bo‘lishi mumkin degan xulosaga kelishdi.
DNK tahlili Kolumb G‘arbiy yevropalik sefard yahudiy ekanini tasdiqladi
Foto: Reuters
“Tadqiqotga ko‘ra, natija deyarli ishonchli”, deya Lorente Sevilya soborida saqlangan suyak qoldiqlari haqiqatan ham Kolumbniki ekanligi haqidagi oldingi nazariyalarni tasdiqladi.

Xristofor Kolumb 1506 yilda Ispaniyaning Valyadolid shahrida vafot etgan. Biroq o‘limidan oldin u bugungi kunda Dominikan Respublikasi va Gaiti o‘rtasida bo‘lingan Espanola orolida dafn etishlarini vasiyat qilgan. Uning suyak qoldiqlari 1542 yilda orolga olib kelingan, 1795 yilda esa Kubaga olib ketilgan. Biroq 1898 yilda qoldiqlar Sevilyaga olib kelingan va uzoq vaqtdan beri uning so‘nggi manzili shu shahar bo‘lib qolgan.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?