Merts Germaniya kantslerini Putin oldidagi qoʻrquvni engishga chaqirdi

^{Fridrix Merts Foto: spiegel.de}
XDI/XSI muxolifat blokidan Germaniya kantsleri lavozimiga nomzod Fridrix Merts Germaniya hukumatining amaldagi rahbari Olaf Sholtsni oʻz pozitsiyasi bilan Rossiya prezidenti Vladimir Putinning Ukrainadagi urushni davom ettirishiga hissa qoʻshganlikda aybladi. Xristian-demokratik ittifoq raisining 16 oktyabr, chorshanba kungi bayonoti Sholtsning Bundestag deputatlari oldidagi nutqiga javob boʻldi.

«Sizning pozitsiyangiz bilan bogʻliq holda, siz Ukraina oʻz harakatlarida cheklanib qolgan holda Putinga qarshi kurashishga majbur boʻlganligi uchun ham shaxsiy javobgarsiz», — deya Merts soʻzlarini keltiradi dpa agentligi. «Bu endi davom etishi kerak emas», deya qoʻshimcha qildi u.

Putin «taktik yadro qurolidan foydalanish tahdidlari Gʻarbga, jumladan, sizga ham jiddiy ta'sir koʻrsatadi, degan xayolga borishi tabiiy», dedi Merts Sholtsga. «Janob kantsler, siz uchun ham, biz uchun ham Ukrainadagi fojialarga birgalikda chek qoʻyish uchun Putindan qoʻrqishni engish vaqti keldi», — deya ta'kidladi muxolifat etakchisi.

GFR kantslerligiga nomzod: Kiev uchun gʻalaba - hududlar nazorati

Ukrainaning Rossiyaga qarshi urushda gʻalabasi uning hududi ustidan nazoratni qaytarish va Rossiya qoʻshni davlatga hujum qilishni toʻxtatadigan vaziyat boʻlishi kerak. Bu fikrni 29 sentyabr kuni Bild tabloidiga bergan intervyusida muxolifatdagi Xristian-demokratik ittifoq/Xristian-sotsial ittifoq (XDI/XSI) blokidan Germaniya kantsleri lavozimiga nomzod Fridrix Merts bildirdi.

«Ukraina hech qachon Rossiyani (harbiy jihatdan) magʻlub eta olmaydi, - dedi Merts. - Ammo men uchun gʻalaba uning hudud ustidan suverenitetini qaytarib olishi kerakligini anglatadi. Biz Rossiyaga harbiy kuch ishlatish bilan urushni davom ettirish befoyda ekanligini koʻrish uchun hamma narsani qilishimiz kerak». “Zamin”ni Telegramʻda oʻqing!