“Gruziya orzusi” hukmron partiyasidan hukumatning sobiq rahbari Georgiy Gaxariya Batumidagi Sheraton mehmonxonasida doʻpposlandi. Bu haqda Rustavi 2 telekanali xabar berdi.
Dastlabki ma'lumotlarga koʻra, unga oʻsha mehmonxonada boʻlgan hukmron partiya faollari hujum qilgan. Siyosatchi kasalxonaga olib ketilgan, unga burun sinishi tashxisi qoʻyilgan. Gaxariya allaqachon klinikani tark etgan va “Gruziya orzusi” asoschisi, milliarder Bidzina Ivanishvilini hujumni uyushtirganlikda ayblagan.
Partiya a'zolari hujumni zudlik bilan tergov qilishni talab qilgan. Bu bilan Gruziya Ichki ishlar vazirligi shugʻullanmoqda. Idora Gruziya Jinoyat kodeksining 126-moddasi (zoʻravonlik) boʻyicha tergov ishlarini boshlagan. Ushbu modda boʻyicha eng ogʻir jazo — 6 yil ozodlikdan mahrum etishdir.
Georgiy Gaxariya 2019-2021 yillarda bosh vazir lavozimida ishlagan. Bungacha ichki ishlar vaziri (2017-2019 yillar), Iqtisodiyot va barqaror rivojlanish vaziri (2016-2017 yillar) boʻlgan. Keyinchalik u muxolifatga oʻtib, oktyabrdagi parlament saylovlarida muvaffaqiyatli ishtirok etgan “Gruziya uchun” partiyasini tashkil etgan.
“Gruziya uchun” partiyasi a'zosi Natia Mezvrishvilining soʻzlariga koʻra, jinoyat sodir boʻlgan joyning perimetri ataylab toʻsib qoʻyilmagani va politsiya u erga kech etib kelgani haqida dalillar mavjud.
“Dalillarni yoʻq qilish allaqachon aniqlangan. Shu sababli ular buni ham tekshirishi kerak”, degan u. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
Tojikistondan 20 kgdan ortiq “opiy” moddasini olib oʻtgan shaxslar ushlandi
Isroil va HAMAS Gʻazo boʻyicha kelishuvga erishdi
AQShda milliarder Ilon Mask sudga berildi
Ukraina chegarachilari guruhi Rossiyaga taslim boʻldi
Los-Anjelesdagi yongʻinlar: qurbonlar soni 25 kishiga etdi
Moskva markazida FSB aksilrazvedka xodimi otib ketildi
