Sankt-Peterburgda tadbirkor Viktor Shkurskiy va "Hamster Combat" o‘yini yaratuvchisi Eduard Gurinovich o‘rtasidagi sud jarayoni yakunlandi, deb happycoin.club xabar berdi. Sud Gurinovichni "Direktorlar kengashi" deb nomlangan, ammo mijozga yetkazilmagan taʼlim kursi uchun olgan 2,5 million rublni qaytarishga majbur qildi.
Sud davomida aniqlanishicha, Gurinovich nafaqat vaʼda qilingan taʼlim materiallarini yetkazmagan, balki tegishli litsenziyasiz taʼlim faoliyatini amalga oshirgan. Sud majlislarida qatnashmaganiga qaramay, qaror Shkurskiy foydasiga chiqarildi.
Shuningdek, IT-xolding AD.RU bosh direktori Anton Gorshkovning "Hamster Combat" jamoasi bilan o‘yin daromadlarini bo‘lishish masalasidagi kelishmovchilik haqida so‘zlagan bayonoti bu ishga qo‘shimcha eʼtibor qaratdi. Gurinovich 2,5 million rublni qaytarishdan tashqari, 20 700 rubl miqdoridagi sud xarajatlarini ham qoplashi shart.
“Zamin” yangiliklarini “Telegram”da kuzatib boring
