Papa Fransiskning sog‘lig‘i og‘irlashdi

Papa Rim Fransiskning sog‘lig‘i og‘irlashdi, deb Vatikanning matbuot xizmati xabar berdi. U past trombotsitlar darajasi tufayli qon quyish muolajasidan o‘tdi.

Ma’lumotlarga ko‘ra, 88 yoshli pontifik o‘zini yomon his qilmoqda, garchi hushyor bo‘lsa-da, u ko‘p miqdorda kislorodga muhtoj. Shifokorlar uning anemiya sababli trombotsitlari kamaygani uchun qon quyish muolajasini o‘tkazdi.

Mutaxassislarning ta’kidlashicha, Papa Fransiskning ahvoli og‘ir bo‘lib qolmoqda, ammo u hozircha xavfdan tashqarida. Shunga qaramay, shifokorlar ehtiyotkorona yondashmoqda. U 14 fevraldan beri Rimdagi "Agostino Gemelli" shifoxonasida ikki tomonlama pnevmoniyadan davolanmoqda.

Shuningdek, 21 fevral kuni Papa Fransisk sog‘lig‘i sababli taxtdan voz kechishi mumkinligi haqida xabarlar paydo bo‘ldi. Kardinal Janfranko Ravazi, avvalgi Papa Benedikt XVI kabi, u ham iste’fo berishi mumkinligini bildirdi. Shunga qaramay, u 2025 yilda bo‘lib o‘tadigan Rim-katolik cherkovining Xristianlik yubiley yilini oxiriga yetkazish niyatida. “Zamin” yangiliklarini “Telegram”da kuzatib boring