Xitoy O‘zbekistonga aviareyslar sonini oshirmoqchi

O‘zbekiston va Xitoy o‘rtasidagi aviaqatnovlar soni oshirilishi rejalashtirilmoqda, deb xabar berdi Uzbekistan Airports matbuot xizmatiga tayanib nova24.uz sayti.

Uzbekistan Airways va Xitoyning China Southern Airlines kompaniyasi o‘rtasida muzokaralar bo‘lib o‘tdi. Unga ko‘ra, Xitoy tomoni mavjud yo‘nalishlar bo‘yicha parvozlar sonini haftasiga 7 martagacha ko‘paytirishni rejalashtirgan.

Hozirda Toshkent–Pekin yo‘nalishida haftasiga 4 marta, Toshkent–Urumchi yo‘nalishida esa 5 marta parvozlar amalga oshirilmoqda.

Bundan tashqari, Uzbekistan Airports tomonidan Andijon, Namangan va Farg‘ona aeroportlaridan Xitoyning boshqa shaharlariga yangi yo‘nalishlar ochish taklifi bildirildi.

Eslatib o‘tamiz, yaqinda Toshkent–Tel-Aviv yo‘nalishida Centrum Air tomonidan Airbus A320 samolyotlarida haftasiga ikki marta to‘g‘ridan-to‘g‘ri reyslar amalga oshirilishi ma’lum qilingan edi. “Zamin” yangiliklarini “Telegram”da kuzatib boring