AQSh O‘zbekistondagi va boshqa grantlarni bekor qildi

AQSh Davlat departamenti Moldova, Belarus, Armaniston va O‘zbekiston kabi mamlakatlardagi OAV, xilma-xillik, tenglik va inklyuzivlik sohasidagi 139 ta xorijiy grantni bekor qildi, deb dw.com xabar berdi.

Bekor qilingan grantlarning umumiy summasi 214 million dollarni tashkil etadi. AQSh davlat kotibi Marko Rubio bu qarorni 15-aprel kuni tasdiqlagan va darhol kuchga kirgan.

Dastlabki ko‘rib chiqish fevral oyida boshlangan, so‘ng Ilon Mask boshchiligidagi Hukumat samaradorligi departamenti (DOGE) qo‘shimcha tekshiruv o‘tkazib, bloklanadigan grantlar soni oshirilgan.

Ko‘pchilik dasturlar AQSh Davlat departamenti tarkibidagi Demokratiya, inson huquqlari va mehnat byurosi (DRL) tomonidan moliyalashtirilgan. Davlat departamentining ichki hujjatida DEI dasturlari soliq to‘lovchilarning mablag‘larini behuda sarflash va ma’muriyat ustuvor yo‘nalishlariga zid ekani aytilgan.

O‘zbekistondagi "fuqarolik ishtiroki", Moldovadagi "OAV barqarorligi", Belarusdagi "dezinformatsiyaga qarshi kurash", Armanistondagi "ekologik barqarorlik" kabi loyihalar endilikda moliyalanmaydi. Shuningdek, Britaniyadagi "media xilma-xilligi" bo‘yicha grantlar ham bekor qilindi.

Yangiliklar