Rossiyaliklar may bayramlarida O‘zbekistonga sayohat qilmoqchi

O‘zbekiston 2025 yil may bayramlari davrida rossiyalik sayyohlar uchun mashhur yo‘nalishlardan biriga aylandi, deb xabar bermoqda nova24.uz TASS agentligiga tayanib.

Ma’lumotlarga ko‘ra, 2024 yilning shu davriga nisbatan rossiyaliklarning may bayramlarida xorijga chiqish talabi 30% ga oshgan. Taxminan 900 ming rossiyalik turist bayram kunlari xorijga chiqishni rejalashtirgan.

Turkiya (45%) va Misr (20%) eng ko‘p talab qilingan yo‘nalishlar bo‘ldi. Shuningdek, BAA (11%), Tailand (5,5%) va Vetnam (4%) ham mashhur yo‘nalishlar qatoriga kirdi.

O‘zbekiston ham rossiyaliklar orasida qiziqarli sayohat manzillaridan biri sifatida ko‘rsatib o‘tilgan. Shuningdek, Maldiv orollari, Abxaziya, Xitoy, Belarus, Gruziya va xalqaro dengiz kruizlari ham e’tiborni tortmoqda. “Zamin”ni Telegramʻda oʻqing!