Lipetskda 30 metrlik tunnel qazib qochgan o‘zbekistonlik mahbuslarga hukm o‘qildi

Rossiyaning Lipetsk shahrida joriy yilning oktyabr oyida jinoiy jazo muassasasidan qochishga uringan va qisman muvaffaq bo‘lgan mahbuslarga nisbatan sud hukmi e’lon qilindi. Huquqni muhofaza qiluvchi organlar ma’lumotlariga ko‘ra, mahkumlar ikki oy davomida 30 metrlik tunnelni qazishga muvaffaq bo‘lishgan.

Lipetskdagi 2-sonli umumiy rejimdagi koloniyada jazo o‘tayotgan olti nafar mahbus — besh nafar O‘zbekiston fuqarosi va bir nafar Tojikiston fuqarosi — Rossiya Jinoyat kodeksining 313-moddasi (gruppalashgan holda qochish) bo‘yicha aybdor deb topildi. Ular 4,5 yildan 12,5 yilgacha ozodlikdan mahrum etildi.

Tergov materiallariga ko‘ra, mahbuslar o‘ta saqlangan obyekt hududidan qochish maqsadida quvur, belkurak va kesish diski bo‘laklaridan foydalangan holda yer osti yo‘li qazishgan. Ushbu tunnel koloniya devorining asti orqali o‘tgan va 2024 yil 25 oktyabr kuni ular qochishga muvaffaq bo‘lishgan.

Qochqinlardan besh nafari shu kuniyoq hibsga olingan bo‘lsa, oltinchi mahbus 6 noyabr kuni Tambov viloyatida topilib, qo‘lga olingan.

Zamin.uz tahririyatidan:
Mazkur voqea Rossiya jazo tizimidagi nazorat mexanizmlari qanday darajada ishlayotgani haqida jiddiy savollarni ko‘ndalang qo‘ymoqda. Shu bilan birga, mahbuslarning tashkillangan harakati va ularning unga tayyorgarlik darajasi bu qochish rejasi tasodif emasligini ko‘rsatmoqda.

Siz bu voqea haqida nima deb o‘ylaysiz? Koloniyadan bunday yo‘l bilan qochish muvaffaqiyat deb baholanadimi yoki tizimdagi zaiflik belgisimi?

Foto: gorod48.ru “Zamin”ni Telegramʻda oʻqing!