Rossiyada 11 o‘zbekistonlik mushtlashuv uchun qamaldi

Rossiyaning Amur viloyatida 11 nafar O‘zbekiston fuqarosi ommaviy mushtlashuvda qatnashgani uchun hibsga olindi, deb NOVA24 xabar berdi.
Janjal 25-may kuni Svobodny shahridagi maktab stadionida yuz bergan. O‘zbekistonlik erkaklar o‘zaro munosabatlarni musht bilan hal qilishga uringan.

Politsiya tomonidan ushlangan fuqarolar Svobodnenskiy shahar sudi tomonidan “mayda bezorilik” moddasi bo‘yicha aybdor deb topildi.

Ayrimlarga aybini tan olgani va pushaymonligini bildirgani sababli yengilroq jazo berildi. Jinoyat guruh bo‘lib sodir etilgani esa jazoni og‘irlashtiruvchi holat sifatida qayd etildi.

Sud qaroriga ko‘ra, ikki fuqaro 12 sutkaga, qolgan to‘qqiz nafari esa 14 sutkaga ma’muriy qamoq jazosi oldi. “Zamin”ni Telegramʻda oʻqing!