Yaqin Sharqdagi ziddiyatli vaziyat fonida AQSH sobiq prezidenti Donald Tramp Eronga nisbatan muhim va so‘nggi deb ta’riflanayotgan taklifni taqdim etishga tayyorlanmoqda. Bu haqda The Jerusalem Post nashri Yevropa va Amerika manbalariga tayanib xabar tarqatdi.
Nashr ta’kidlashicha, Tramp ma’muriyati tomonidan taklif qilinayotgan bu “oxirgi imkoniyat” Eronning yadroviy dasturiga oid uranni boyitishni mutlaqo to‘xtatish tamoyiliga asoslangan bo‘lishi mumkin. Hozirda mazkur shart AQSH uchun kelishuv yo‘lidagi asosiy talablardan biri sifatida qaralmoqda.
The Jerusalem Post ma’lumotlariga ko‘ra, yangi taklif Tehronga avvalgi taklifga nisbatan ancha qulayroq shartlarni o‘z ichiga olishi mumkin. Bu bilan Vashington Eronni muzokaralar stoliga qaytarish va inqirozni tinch yo‘l bilan hal etish imkonini saqlab qolmoqchi.
Avvalroq Donald Tramp o‘z chiqishlaridan birida Eron hukumati muzokaralarga qiziqish bildirganini ma’lum qilgandi. Biroq u bu jarayon ancha oldin boshlanishi kerak edi, deb hisoblaydi. Uning so‘zlariga ko‘ra, bugungi kunda Eron harbiy to‘qnashuvlarda yutishni uddalamayotgani bois, mamlakat muloqot boshlashga majbur.
— Ular hozirgina muzokara boshlashi shart. Kelishuv imzolanishi mumkin, lekin shartlar har ikki tarafni qoniqarli darajada bo‘lishi lozim, — dedi Tramp.
Mazkur bayonot Vashingtonning Tehronga nisbatan yangi yondashuv ko‘rinishida bo‘lib, xalqaro hamjamiyat esa ushbu taklif ortidan yangicha diplomatik jarayon boshlanishini umid qilmoqda.
Shuningdek, kuzatuvchilar fikricha, agar Eron bu so‘nggi chaqiriqqa javob bermasa, mintaqadagi ziddiyat yanada avj olishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing 
