Hindistondagi ko‘ngilochar bog‘da ayol uchun dahshatli holat yuz berdi. U aylanuvchi g‘ildirakning pastga tushayotgan paytida kabinkani tark etishga harakat qildi. Biroq mexanizm kutilmaganda orqaga harakatlanib qolgani sababli, ayol havoda ilinib qoldi.
Guvohlarning so‘zlariga ko‘ra, u bir necha soniya davomida qo‘llari bilan konstruksiyada osilib turgan va har lahzada pastga yiqilib ketishi mumkin edi. Atrofdagilar bu holatni hayajon bilan kuzatar ekan, yaqinda turgan mard kishilardan biri jasorat ko‘rsatib, konstruksiyaga chiqdi. U ayolni qo‘llab, qo‘shni kabinkaga xavfsiz o‘tishga yordam berdi.
Shunday qilib, halokatli fojia oldi olindi. Hozirda attraksion va uning xavfsizlik tizimi tekshirilmoqda. Mutasaddilar bunday vaziyat takrorlanmasligi uchun qo‘shimcha choralar ko‘rilishi haqida ma’lum qilishgan.
Bu voqea ko‘ngilochar bog‘larda xavfsizlik qoidalariga qat’iy rioya qilish qanchalik muhimligini yana bir bor isbotladi.
“Zamin”ni Telegramʻda oʻqing!
