Mutaxassislar bu bo‘ron dengiz to‘lqinlari, suv toshqinlari va xavfli oqimlarni keltirib chiqarishini ogohlantirmoqda. Mahalliy hokimiyat aholini ehtiyot choralarini ko‘rishga va xavfsizlik qoidalariga amal qilishga chaqirmoqda.
Bo‘ron Atlantika okeani ustida harakatlanmoqda va quruqlikka chiqishi kutilmaydi. Shunga qaramay, Shimoliy Karolina eng ko‘p zarar ko‘rishi mumkin bo‘lgan hudud sifatida qayd etildi. Shu bois, Nyu-Jersi va Delaver shtatlarida ham suzish taqiqlari joriy etildi.
Shimoliy Karolina gubernatori Josh Stein aholiga ogohlantirish bilan murojaat qilib, “bo‘ron jiddiy xavf tug‘diradi, hech kim dengizga kirmasligi kerak”, dedi. U, shuningdek, qutqaruvchilar va Milliy gvardiya bo‘ron oqibatlariga tayyor turganini bildirdi.
Rasmiylar Hatteras orollarida majburiy evakuatsiya e’lon qildi. Sababi, asosiy yo‘llar suv ostida qolib, odamlarning tashqariga chiqishi qiyinlashishi mumkin.
Bo‘ron shamollari soatiga 168 km tezlikka yetmoqda, to‘lqin balandligi esa 4,5 metr bo‘lishi mumkin. Mutaxassislar bo‘ron odatdagidan kattaroq ekanini va uning oqibatlari bir necha kun davom etishini aytmoqda.
