2025 yil 1 sentyabrdan boshlab Moskva va atrofidagi hududlarda xorijiy fuqarolarning manzilini hisobga olish tartibi yangilanadi. Bu safar mobil texnologiyalardan foydalanish orqali turli tadbirlar amalga oshiriladi. Joriy etilayotgan eksperimental rejimga ko‘ra, “Amina” mobil ilovasi orqali O‘zbekiston, Tojikiston, Qirg‘iziston, Armaniston, Qozog‘iston, Gurjiston, Ozarboyjon, Moldova va Ukrainadan kelgan mehnat migrantlarining manzili avtomatik tarzda kuzatiladi.
Hududiy migratsiya nazoratining yangi formatiga ko‘ra, poytaxtda migrantlar “Amina” ilovasidan foydalanish orqali o‘z manzillarini ro‘yxatga olishlari kerak. Ilova ularga o‘zlari uchun eng qulay bo‘lgan usulda geolokatsiyani yoki manzil ma’lumotlarini bildirish imkonini beradi. Agar ma’lumotlar bir necha kundan ortiq vaqt davomida to‘g‘ri o‘tkazilmasa, migrantlarga manzilni yangilash yoki tasdiqlash kerak bo‘ladi.
Ilovada amalga oshiriladigan ba’zi funksiyalardan biri, foydalanuvchi geolokatsiyasi to‘g‘ridan to‘g‘ri ilovaga uzatiladi. Agar ma’lumotlar aniq bo‘lmasa yoki uzoq vaqt davomida yangilanmasa, shu haqda xabarnoma yuboriladi. Buning ortidan manzilni tasdiqlash yoki qayd etish talab qilinadi, aks holda ro‘yxatdan chiqarish ehtimoli mavjud.
Migrantlarning manzilni tiklash uchun “Amina” ilovasiga kirishda pasport ma’lumotlari asosida avtorizatsiyadan o‘tishi lozim bo‘ladi. Agar migrantning hujjatlari yo‘qolgan bo‘lsa, avtorizatsiyani ma’lumotlar orqali amalga oshirish mumkin.
Mobil ilovadan foydalanish orqali nafaqat manzil bilan bog‘liq ma’lumotlar, balki patent to‘lovi yoki MMTS qabuliga yozilish ham ta’minlanadi. Kelgusida ilova orqali ko‘plab yangi xizmatlardan foydalanish imkoni yaratiladi.
Eng muhimi, “Amina” ilovasi zamonaviy texnologiyalar orqali migrantlar uchun qulaylik yaratishga yordam beradi va fuqarolarga o‘z manzillarini tez va oson tarzda o‘zgartirish imkoniyatini taqdim etadi.
