Yaponiya shahri aholiga kuniga ikki soat smartfon ishlatishni tavsiya qilmoqda

Yaponiyaning Toyoake shahri aholiga kuniga ikki soatdan ortiq smartfon ishlatmaslikni tavsiya qilmoqda. Ushbu tashabbus hozirda shahar kengashida muhokama qilinmoqda.

Shahar meri Masafumi Koki aytishicha, bu cheklov ish va o‘qish vaqtida qo‘llanilmaydi va qat’iy nazorat qilinmaydi. Maqsad – aholini ekran vaqtini o‘ylab ishlatishga undashdir.

Ba’zi faoliyatlar, masalan videolarni tomosha qilish, sport mashg‘ulotlari, onlayn o‘qish yoki e-sport mashqlari ikki soat hisobiga kirmaydi. Merning aytishicha, ba’zi talabalar maktabga bormaslik uchun, kattalar esa uyqu va oilaviy vaqtini qurbon qilish uchun smartfonlardan ko‘p foydalanmoqda.

Shahar kengashi qoidalarni oktabrda tasdiqlashi mumkin. Taklifga ko‘ra, boshlang‘ich sinf o‘quvchilari soat 21:00dan keyin, kattalar va katta yoshdagi talabalar esa soat 22:00dan keyin qurilmalardan foydalanmasligi tavsiya etiladi.

Aholi orasida taklifga munosabat turlicha. 120 dan ortiq shaxs shikoyat qilgan, ularning 80 foizi qarshi chiqqan, ammo ba’zi aholi bu tashabbusni qo‘llab-quvvatlagan.