Rossiyada 2025 yilning dastlabki holati sifatida chikungunya bezgagi aniqlandi. Bu haqda Rospotrebnadzor rasmiy ma’lumot berdi. Tibbiy manbalarga ko‘ra, bemor Shri-Lankadan Moskvaga qaytgan erkak bo‘lib, u o‘sha yerda 10 kun dam olgan.
Mazkur shaxs Rossiyaga qaytganidan bir kun o‘tgach o‘zini yomon his qilib, darhol shifokorga murojaat qilgan. Dastlab unda denge virusi bor, degan gumon qilingan. Biroq chuqur tahlillar natijasida chikungunya virusi tasdiqlangan. Ayni vaqtda bemor infeksion shifoxonada davolanmoqda, uning holati o‘rtacha og‘ir deb baholanmoqda.
Rospotrebnadzor mutahassislarining ta’kidlashicha, barcha zarur epidemiyaga qarshi choralar ko‘rilgan va aholi orasida infeksiya tarqalishi xavfi yo‘q. Chunki chikungunya kasalligi odamdan odamga yuqmaydi, balki faqat hasharotlar chaqishi orqali tarqaladi. Rossiya hududida bu virusni tashuvchi hasharotlar soni xavf darajasiga yetmagan.
Qo‘shimcha qilib, davlat chegaralari orqali o‘tuvchi yo‘lovchilarni kuzatish uchun «Perimetr» maxsus tizimi joriy etilgani ma’lum qilindi. Ushbu tizim infeksiya belgilari bo‘lgan shaxslarni tez va samarali aniqlash imkonini bermoqda.
Mutasaddilarning fikricha, aholi o‘rtasida hech qanday xavotirga o‘rin yo‘q. Barcha profilaktika va nazorat choralari qo‘llanilmoqda. Chikungunya bezgagi Rossiyada ilk bor qayd etilgani holat sifatida tibbiy amaliyotda alohida qayd etilmoqda.
