Fransiya prezidenti Emmanuel Makron Sebastyan Lekornyuni yana bosh vazir lavozimiga tayinladi, deb Bloomberg nashri xabar berdi.
Nashrga ko‘ra, bu qaror siyosiy barqarorlikni saqlash va navbatdagi hukumat inqirozining oldini olishga qaratilgan so‘nggi harakat sifatida baholanmoqda.
Lekornyu 9 sentabrdan 6 oktabrgacha Fransiya hukumatiga rahbarlik qilgan. U iste’fosidan bir kun oldin yangi hukumat tarkibini e’lon qilgan, ammo uni muxolifat partiyalari keskin tanqid qilgan.
13 oktabr, dushanba kuni, Lekornyu yangi davlat byudjeti loyihasini parlamentga taqdim etadi. Agar hujjat qabul qilinmasa, hukumatni moliyalashtirish uchun alohida qonun ishlab chiqilishi kerak bo‘ladi.
Sebastyan Lekornyu 1986-yil 11-iyun kuni Obonn shahrida tug‘ilgan. U 2022-yil bahoridan 2024-yil mayigacha Fransiya mudofaa vaziri lavozimida ishlagan, undan oldin esa 2020–2022-yillarda orol va chekka hududlar vaziri bo‘lgan.
“Zamin”ni Telegramʻda oʻqing!
