Ukrainadagi urush oqibatlari Rossiya jamiyati uchun tobora og‘irlashib bormoqda. “The Moscow Times” nashri xabariga ko‘ra, bu qurolli mojarolar natijasida mamlakatda "yangi nogironlar armiyasi" paydo bo‘lgan. Statistik raqamlarga ko‘ra, bu son Pskov yoki Janubiy Saxalin aholisi bilan tenglashib qolgan.
Rossiya Federal statistika xizmatining Yagona idoralararo axborot-statistika tizimi e’lon qilgan ma’lumotlarga ko‘ra, 2023–2024 yillar davomida Rossiyada nogironlar soni 190 ming kishiga ko‘paygan. 2024-yil oxiriga kelib, mamlakatdagi nogironlar umumiy soni 11 million 122 ming nafarga yetgan. Taqqoslash uchun: bu ko‘rsatkich 2023-yilda 11,04 million, 2022-yilda esa 10 million 932 ming bo‘lgan.
Bu o‘sish sur’ati 2007-yildan beri qayd etilgan eng yuqori ko‘rsatkich sifatida baholanmoqda.
Xalqaro strategik tadqiqotlar instituti (IISS)ning hisob-kitoblariga ko‘ra, 2024-yil oxirigacha Rossiyada 376 ming kishi frontda og‘ir jarohat olib, nogironlik holatiga tushib qolgan. Urush boshlangan 2022-yildan 2024-yilgacha bo‘lgan davrda Rossiya armiyasining umumiy yo‘qotishlari taxminan 783 ming kishiga yetgan. Ulardan kamida 172 ming nafari halok bo‘lgan, 611 ming kishi esa jarohatlangan.
Shuningdek, yaradorlarning 235 ming nafari sog‘aygan bo‘lsa, qolganlari butun umr nogironlik holatida qolishgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
