Rim Papasining Tarixiy Tashrifi va Keskin Deklaratsiyasi
Rim Papasi Lev XIV dinlararo muloqot va tinchlikni targ‘ib qilish maqsadida Turkiyadan Livanga parvoz chog‘ida, dunyodagi eng keskin masalalardan biri — ko‘p yillik Falastin-Isroil mojarosining muammoning yagona yechimi sifatida Falastinni davlat sifatida tan olish va uni tuzish deb atadi. May oyida saylanganidan beri bu uning birinchi xorijiy tashrifi hisoblanadi va jahon hamjamiyatiga kuchli signal yubordi.
"Biz Isroilning hozirda bu qarorni qabul qilmayotganini bilamiz, ammo biz uni yagona chora deb hisoblaymiz," — deya ta’kidladi Lev XIV. U, shuningdek, Vatikaning ikki tomon o‘rtasida ularning barchasi uchun adolatli vositachi bo‘lishga intilishini ma’lum qildi.
Vatikaning Eski Pozitsiyasi
Papaning bu bayonoti Vatikaning avvalgi siyosatining mantiqiy davomidir. Eslatib o‘tamiz, Vatikan Falastinni rasman 2015 yilda, Papa Fransisk taxtni egallaganidan so‘ng ikki yil o‘tib tan olgan. Amalda esa, Falastin BMTda kuzatuvchi maqomiga ega bo‘lgan 2013 yildan beri davlat sifatida tan olib kelinadi.
Netanyahu: "Sharmandali" va "Nomaqbul"
Rim Papasining bu qat’iy pozitsiyasiga Isroil bosh vaziri Binyamin Netanyahu keskin qarshi chiqmoqda. U Falastin davlati tuzilishini mutlaqo nomaqbul yechim deb hisoblaydi va bu pozitsiyasini sentabr oyida BMT Bosh Assambleyasida ham takrorlagan edi.
Netanyahu Falastinni tan olgan davlatlarning qarorini "uyatli qaror" deb atagan. Uning ogohlantirishicha, "7 oktabrdan so‘ng Quddusdan bir milya uzoqlikda falastinliklarga davlat berish — bu 11 sentabrdan keyin Nyu-York yaqinida 'Al-Qoida'ga davlat berish bilan teng qadam". Netanyahu bunday qaror terrorizmni rag‘batlantirishini aytib, barchani ogohlantirdi.
Papaning bu diplomatik qadami va Isroil rahbariyatining o‘zgarmas pozitsiyasi Yaqin Sharqdagi tinchlik jarayoni qancha lik murakkab va ziddiyatli ekanligini yana bir bor ko‘rsatib berdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
