2025 yil oktyabr oyida internet maydonlarida shov-shuvli video keng tarqalgan, unda Yekaterina Bivol — taniqli bokschi Dmitriy Bivolning sobiq rafiqasi — qirg‘izlar va qozoqlar haqida haqoratli so‘zlar aytgani aytilib, bu holat jamoatchilik orasida keskin norozilik uyg‘otgan edi. Videodagi chiqish ijtimoiy tarmoqlarda tezda tarqab, turli mamlakatlar foydalanuvchilari tomonidan qat’iy qoralangan, bahslar ham ancha kuchaygan.
Kuni kecha esa ushbu ish bo‘yicha huquqiy qaror qabul qilindi. Sankt-Peterburg sudi Yekaterina Bivolni Rossiya Ma’muriy huquqbuzarliklar kodeksining 20.3.1-moddasi — nafrat yoki adovatni qo‘zg‘atish bilan bog‘liq moddasi bo‘yicha aybdor deb topdi va unga 60 soatlik jamoat ishlari jazosini tayinladi. Bu haqda «RIA Novosti Sport» xabar bermoqda.
Aytish mumkinki, bu qaror ijtimoiy tarmoqlarda “har bir so‘zning javobi bor” degan fikrni yana bir bor eslatdi. Internetda aytilgan gap ham “yo‘qolib ketmaydi” — ayniqsa u millatlararo haqoratga borib taqalsa.
“Zamin”ni Telegramʻda oʻqing!
