Portugaliya parlamenti bolalar va o‘smirlarning ijtimoiy tarmoqlardan foydalanishini cheklash bo‘yicha qonun loyihasini birinchi o‘qishda ma’qulladi. Loyiha 13–16 yoshdagilar uchun ota-onaning aniq va tasdiqlangan roziligini talab qiladi, 13 yoshdan kichiklar uchun esa amaldagi taqiqni kuchaytirib, nazoratni qat’iylashtirishni ko‘zlaydi. Hujjat yakuniy ovoz berishgacha o‘zgartirilishi ham mumkin.
Loyiha mualliflari bo‘lgan Portugaliya Sotsial-demokratik partiyasi (PSD) bu chorani kiberbulling, zararli kontent va yirtqich niyatli shaxslardan himoya bilan izohlamoqda. Rozilikni tasdiqlash va yoshni tekshirish uchun Digital Mobile Key tizimi ishlatilishi rejalashtirilgan, kompaniyalar esa shu mexanizmga mos age-verifikatsiya joriy etsa, talabni buzganlar global daromadining 2 foizigacha jarimaga tortilishi mumkin.
Cheklovlar Instagram, Facebook va TikTok kabi tarmoqlarni qamrab oladi, biroq ko‘plab ota-onalar bola bilan aloqa uchun ishlatadigan WhatsApp istisno sifatida tilga olinmoqda. Shu bilan birga, Portugaliya Sotsialistik partiyasi (PS) platformalar 13–16 yoshdagilar kirishi mumkin bo‘lgan muhitda zo‘ravonlik, erta jinsiy kontent, qaram qiluvchi o‘yinlar hamda manipulyatsiya qilingan video va tasvirlar ta’sirini kamaytiruvchi himoya funksiyalarini kafolatlashi kerakligini ta’kidlayapti.
“Zamin”ni Telegramʻda oʻqing!
