Rossiya va Ukraina o'rtasida navbatdagi keng ko'lamli asirlar almashinuvi amalga oshirildi. Tomonlar 300 ga 300 formulasi bo'yicha kelishuvga erishib, o'z harbiylarini vataniga qaytardi. Bu haqda Ukraina prezidenti Volodimir Zelenskiy ma'lum qildi va Rossiya Mudofaa vazirligi ham mazkur jarayonni tasdiqladi.
Zelenskiyning so'zlariga ko'ra, ozod etilganlar orasida 300 nafar harbiy xizmatchidan tashqari ikki nafar tinch aholi vakili ham bor. Ularning aksariyati uzoq vaqt davomida, ayrimlari esa 2022 yildan buyon asirlikda saqlanayotgan edi. “Nash vixod” harakati koordinatori Irina Krininaning ta'kidlashicha, qaytarilgan harbiylarning bir qismi 2024 yilda, qolganlari esa 2025 yilda asirga tushgan.
Rossiya Mudofaa vazirligi ushbu jarayon AQSH va Birlashgan Arab Amirliklari vositachiligida o'tganini ma'lum qildi. Hozirda Rossiyaga qaytgan harbiylar Belarus hududida bo'lib turibdi. Ta'kidlash joizki, bu ikki davlat o'rtasidagi yagona almashinuv emas. Bir kun avval, 5 mart kuni tomonlar “200 ga 200” formulasi bo'yicha ham asirlarni almashgan edi. Bundan oldingi shunday jarayon esa 2026 yil fevral oyi boshida kuzatilgan bo'lib, unda 157 nafardan harbiy o'z yurtiga qaytarilgandi.
“Zamin”ni Telegramʻda oʻqing!
