Isroil va AQSh rasmiylariga ko‘ra, Eronning yangi oliy rahbari Mojtaba Xomanaiy jarohat olgan bo‘lishi mumkin. Bu haqda The New York Times nashri turli manbalarga tayanib xabar berdi.
Nashr yozishicha, aynan shu sababdan Mojtaba Xomanaiy oliy rahbar etib saylangani e’lon qilingandan keyin ham jamoatchilik oldida ko‘rinish bermagan bo‘lishi mumkin. Bu holat esa turli taxminlarga sabab bo‘lmoqda.
Isroil manbalarining bildirishicha, Mojtaba Xomanaiy AQSh va Isroilning Eron bilan urushi boshlangan ilk kunlarda jarohatlangan. Ularning aytishicha, o‘sha paytda otasi — oyatulloh Ali Xomanaiy halok bo‘lgan, Mojtaba esa oyog‘idan yaralangan.
Shu bilan birga, The New York Times’ning Eron ichkarisidagi manbalari ham Mojtaba Xomanaiy jarohat olganini tasdiqlagan. Biroq ular jarohat qachon va qanday sharoitda yuz berganiga aniq izoh bermagan.
Eron prezidenti Mas’ud Pezoshkianning o‘g‘li Yusuf esa bu ma’lumotlarga munosabat bildirib, Mojtaba Xomanaiyning ahvoli yaxshi ekanini ma’lum qildi. Shu sababli uning sog‘ligi borasidagi xabarlar hozircha turli qarama-qarshi ma’lumotlar bilan davom etmoqda.
“Zamin”ni Telegramʻda oʻqing!
