Eron Isroilga qarata qattiq zarbalar berdi

1 daqiqa o'qish4.9K
Eron Isroilga qarata qattiq zarbalar berdi
QisqachaAI yordamida tayyorlanganKo‘rsatish
  • Eron harbiy kuchlari “Haqiqiy va’da-4” operatsiyasining 61-to‘lqini doirasida Tel-Avivga hujum qilib, 100 dan ortiq nishonni bartaraf etganini ma’lum qildi.
  • Zarba Eron Milliy xavfsizlik oliy kengashi kotibi Ali Larijoniyning 17 mart kuni tungi havo hujumi oqibatida halok bo‘lishiga javob sifatida amalga oshirilgan.

Isroil, AQSH va Eron o‘rtasidagi ziddiyat keskin tus olayotgan bir paytda, Eron harbiy kuchlari “Haqiqiy va’da-4” operatsiyasining 61-to‘lqini doirasida Isroilning eng yirik shaharlaridan biri – Tel-Avivga misli ko‘rilmagan hujumlar uyushtirdi. Bu haqda Eron Islom inqilobi qo‘riqchilari korpusi rasman ma’lum qildi.

Korpus taqdim etgan axborotga ko‘ra, 100 dan ortiq nishonlar bartaraf etilgan. Ayni vaqtgacha Isroil tomoni ushbu hujumlarga rasmiy izoh bergani yo‘q.

Ta’kidlash lozimki, mazkur zarbalar Eron Milliy xavfsizlik oliy kengashi kotibi Ali Larijoniyning o‘ldirilishiga javob sifatida amalga oshirilgan.

Larijoniyning halokati

17 mart kuni Isroil mudofaa vaziri Isroil Kas Ali Larijoniy tungi havo hujumi oqibatida halok bo‘lganini ma’lum qilgan edi. Keyinchalik bu xabar Tehron tomonidan ham tasdiqlandi.

Larijoniy bilan birga uning o‘g‘li, o‘rinbosari va shaxsiy qo‘riqchilari ham qurbon bo‘lgan. Shuningdek, “Basij” xalq qo‘shinlari qo‘mondoni general-mayor G‘ulomrizo Sulaymoniy ham ushbu zarba natijasida halok bo‘lgani qayd etildi.

AQSH va Isroil tomonidan Eronga qarshi harbiy harakatlar boshlanganidan buyon Eron rahbariyatidagi bir qator yuqori lavozimli shaxslar halok bo‘ldi. Ular qatorida oliy rahbar Oyatulloh Ali Xomanaiy ham borligi aytiladi.

Yangi oliy rahbar sifatida uning o‘g‘li Mujtabo Xomanaiy tayinlangani ma’lum qilingan, ammo u saylanganidan buyon jamoatchilik oldida ko‘rinmagan. Tehron uning jarohat olganini tasdiqlagan.

Ali Larijoniy kim edi?

Ali Larijoniy Iroqda, oyatullohlar xonadonida tavallud topgan. U Tehron universitetida G‘arb falsafasi bo‘yicha doktorlik ilmiy darajasini qo‘lga kiritgan.

Siyosiy faoliyatini 1990 yillarda boshlagan Larijoniy 1992 yilda Madaniyat va islomiy yo‘nalish vazirligiga rahbarlik qilgan. 1994–2004 yillar oralig‘ida Eron teleradioeshittirish tashkilotini boshqargan.

2005 yilda Milliy xavfsizlik oliy kengashi kotibi lavozimiga tayinlanib, mamlakatning yadroviy dasturi bo‘yicha bosh muzokarachi sifatida ish olib borgan. 2025 yilda yana shu vazifaga qaytgan.

2008–2020 yillarda esa Eron parlamenti — Majlis spikeri sifatida faoliyat yuritgan. Shu bilan birga, u bir necha bor prezidentlikka nomzod sifatida ham ilgari surilgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?