Yaqin Sharqdagi urush tufayli Sudanda aholi xavfli manbalardan suv iste’mol qilishga majbur bo‘lib qoldi
Yaqin Sharqdagi davom etayotgan ziddiyatlar global bozorlar va logistika tizimiga salbiy ta’sir ko‘rsatib, Sudanda ichimlik suvi yetishmovchiligini yanada keskinlashtirdi. Mutaxassislar bu holatni mamlakatdagi energiya va yoqilg‘i narxlari bilan bog‘lamoqda.
Ma’lumotlarga ko‘ra, Sudanda suv ta’minoti asosan yer osti suvlarini nasoslar yordamida chiqarishga tayanadi. Ushbu jarayon esa dizel yoqilg‘isida ishlaydigan generatorlar orqali amalga oshiriladi. Yoqilg‘i narxlarining oshishi esa bevosita suv ta’minoti xarajatlarini ham ko‘paytirgan.
Hurmuz bo‘g‘ozi atrofidagi cheklovlar fonida yoqilg‘i yetkazib berishdagi qiyinchiliklar kuchayib, natijada ichimlik suvi narxi qariyb 30 foizga qimmatlashgan. Ayni paytda kuchli jazirama mavsumi aholi ehtiyojini yanada oshirmoqda.
Mutaxassislar ogohlantirishicha, ko‘plab oilalar toza ichimlik suvini sotib olish imkoniyatidan mahrum bo‘lib, majburan sifatsiz yoki xavfli manbalardan foydalanishga o‘tmoqda. Bu esa turli yuqumli kasalliklar tarqalish xavfini sezilarli darajada oshiradi.
“Zamin”ni Telegramʻda oʻqing!
