Luiziana shtatining Shreveport shahrida yuz bergan qurolli hujum katta fojia bilan yakunlandi. Dastlabki ma’lumotlarga ko‘ra, otishma oqibatida kamida sakkiz nafar voyaga yetmagan bola halok bo‘lgan, yana ikki kishi jarohat olgan.
ABC News xabariga ko‘ra, hodisa mahalliy polisiyaga tayanib tasdiqlangan.
Ma’lum qilinishicha, qurolli shaxs bir nechta turli mahallalardagi uylar tomon o‘t ochgan. Natijada bir yoshdan 14 yoshgacha bo‘lgan bolalar qurbon bo‘lgan, ularning ayrimlari gumondor bilan qarindoshlik aloqalariga ega ekani aytilmoqda.
Hujumdan so‘ng gumondor avtomobil o‘g‘irlab, voqea joyidan qochishga uringan. Polisiya uni Bossiyer shahrida to‘xtatishga harakat qilgan va yakunda otishma natijasida gumondor halok bo‘lgan.
Hozirda shtat detektivlari va huquq-tartibot organlari hodisaning barcha tafsilotlarini aniqlash ustida ishlamoqda.
“Zamin”ni Telegramʻda oʻqing!
