Italiya hukumati Rossiya teleboshlovchisi Vladimir Solovevning bayonotlaridan soʻng Moskva elchisini Tashqi ishlar vazirligiga chaqirdi.
Maʼlum qilinishicha, u oʻz chiqishlaridan birida Italiya bosh vaziri Jorja Meloni haqida keskin va haqoratli fikrlar bildirgan.
Italiya tashqi ishlar vaziri Antonio Tayani bu bayonotlarni jiddiy va qabul qilib boʻlmas holat sifatida baholab, mamlakat nomidan rasmiy norozilik izhor etgan. Shu bilan birga, u Bosh vazir Meloniga toʻliq qoʻllab-quvvatlash bildirganini taʼkidlagan.
Italiya OAVlariga koʻra, Solovev siyosiy tanqid doirasidan chiqib ketgan holda haqoratli iboralardan foydalangan. Italiya prezidenti Serdjo Mattarella ham ushbu holat yuzasidan Bosh vazirga qoʻllab-quvvatlov maktubi yoʻllagan.
Mazkur voqea ikki davlat oʻrtasidagi diplomatik munosabatlardagi taranglikni yanada kuchaytirgan.
“Zamin”ni Telegramʻda oʻqing!
