Indoneziyada yangi yer silkinishlar qayd qilindi (video)

3 oktyabrda Indoneziyaning Markaziy Sulavesi viloyatida 4,8 magnitudali yer silkinish yuz berdi. Bu haqda Meteorologiya, iqlim va geofizika agentligi maʼlum qilgan.

Maʼlum qilinishicha, zilzila markazi viloyatning maʼmuriy markazi Palu shahridan 20 km uzoqlikda, oʻchogʻi 10 km chuqurlikda boʻlgan. Shaharda kichik yer silkinishlar sezilgan. Jabrlanganlar va talofatlar haqida maʼlumot berilmagan.

Oʻtgan haftada shu hududda 7,4 magnitudali vayronkor zilzila yuz bergandi. 2 kun davomida 170 ga yaqin takroriy yer silkinish qayd qilingan. Kuchli zilzilalar toʻlqinlari balandligi 5-7 metrga yetgan kuchli sunami keltirib chiqargan.

Oxirgi maʼlumotlarga koʻra, tabiiy ofat oqibatida 1234 kishi halok boʻlgan, yana 100 ga yaqin kishi bedarak yoʻqolgan, deb hisoblanmoqda. Yuzlab odamlar jarohat olgan. Zilzila oqibatida 60 mingdan koʻproq odam oʻz uyini tark etishga majbur boʻlgan.