Rossiya Mudofaa vazirligi Oʻzbekistonda Pentagon laboratoriyasi tashkil etilgani haqida xabar berdi

Ukraina, Ozarboyjon va Oʻzbekistonda Pentagon nazorati ostidagi laboratoriyalarni rekonstruksiya qilish davom etmoqda, deb xabar berdi RF Qurolli kuchlarining radiatsion, kimyoviy va biologik himoya qoʻshinlari boshligʻi Igor Kirillov. Bu haqda “Kun” nashri maʼlum qildi.

“Lugar markazi AQSHning keng qamrovli harbiy-biologik dasturining kichik elementidir. Rossiyaga yaqin hududlarda faollik kuchaytirildi, bu yerlarda ham Pentagon nazoratidagi laboratoriyalar faoliyat yuritmoqda. Ukraina, Ozarboyjon va Oʻzbekistonda laboratoriya korpuslarini rekonstruksiya qilish davom etmoqda”, - dedi u.

Kirillovning soʻzlariga koʻra, ular faoliyatining ustuvor yoʻnalishi - yuqumli kasalliklar haqida maʼlumot yigʻish va patogen mikroorganizmlar shtammlariga ega boʻlgan, shu jumladan, antibiotiklarga chidamli hamda vaksinalar himoya taʼsirini uzaytiruvchi milliy kolleksiyalarni olib chiqishdir.

Avvalroq, Gruziya davlat xavfsizligi vaziri Igor Giorgadze Moskvada boʻlib oʻtgan matbuot anjumanida AQSH prezidenti Donald Trampga Richard Lugar nomidagi laboratoriya faoliyatini tekshirish iltimosi bilan murojaat qilgani haqida xabar bergandi. I.Giorgadzening bildirishicha, odamlarda oʻlim bilan yakun topishi mumkin boʻlgan tajribalar oʻtkazadi. Giorgadze 2015 yil dekabrda laboratoriyada S gepatitidan davolanish vaqtida 30 nafar odam halok boʻlgani haqida maʼlumotlarni keltirgan. 2016 yil aprel va avgust oylarida, mos ravishda, 30 va 13 kishi vafot etgan boʻlsa, “oʻlim sababi” ustunida “nomaʼlum”, deya koʻrsatilgan, ammo sabablar tekshiruvdan oʻtkazilmagan. Uning soʻzlariga koʻra, ismlar aniqlanmagan, faqat ular tugʻilgan sana va jinslari boʻlgan raqamlar berilgan. “Zamin” yangiliklarini “Vkontakti”da kuzatib boring