O‘tgan dam olish kunlari Norvegiyaning Bergen shahrida pishloq pishiruvchilarning nufuzli xalqaro tanlovi World Cheese Awards bo‘lib o‘tdi. Tanlovda butun dunyodan deyarli 3500 turdagi pishloq taqdim qilindi.
Tanlovning bosh mukofoti mahalliy norveg pishlog‘i Fanaustga nasib qildi. Bu pishloq Bergen yaqinidagi Ustegorden fermasida tayyorlanadi. 2-o‘rin ham norveg pishlog‘i – Xelfeyt turidagi pishloqqa berildi. Bu pishloq echki sutidan tayyorlanadi.
Tanlovda hammasi bo‘lib 41 ta davlatdan 3472 turdagi pishloq taqdim qilindi. Italiya, Shveysariya, Fransiya, Germaniya kabi pishloq ishlab chiqarishdagi yetakchi davlatlar tanlovga katta turdagi pishloqlar olib keldi. Biroq tanlovda norveg pishloqlarining rekord darajada taqdim qilingani haqiqiy syurpriz bo‘lgan: Norvegiya sharafini 175 turdagi pishloq himoya qilgan.
Tanlov hakamlar hay’ati tarkibiga professional hakamlardan tashqari, pishloqni xush ko‘ruvchi boshqa insonlar – blogerlar, jurnalistlar, muzeylar vakillari va gastronomiya bilan bog‘liq bo‘lmagan boshqa odamlar kirdi. Joriy yilda hakamlar hay’atida 50 nafar norvegiyalik va 29 ta davlatdan yana 180 hakam ishladi. Ular pishloqlarning tashqi ko‘rinishi, sirti sifati, asosiy ko‘rsatkichlari (namliligi, yog‘liligi, rang, quyuq-suyuqligi) va eng asosiysi, ta’miga baho berishgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Shomurodov, navbat “Yuventus”ga!