2 075
Britaniya o‘z fuqarolarini xorijdan qaytarish bo‘yicha urushdan keyingi eng yirik amaliyotni boshladi
Britaniyada 1841 yilda tashkil etilgan dunyodagi eng yirik turistik kompaniya Thomas Cook kreditorlar bilan qarzni uzish bo‘yicha muvaffaqiyatsiz yakunlangan muzokaralardan keyin majburiy tugatilishi va faoliyatini to‘xtatishini e’lon qildi. Kompaniya qarzi 2 mlrd funt sterlingga yaqinni tashkil qiladi. Hozirda kompaniyaning 600 mingga yaqin mijozi, jumladan 160 ming britaniyalik butun dunyo bo‘ylab dam olmoqda.
Kompaniya barcha parvozlarni to‘xtatgan, turlar va bronlarni bekor qilgan. Kompaniyaning investorlar va kreditorlar bilan qarzni uzish bo‘yicha olib borgan ko‘p oylik muzokaralari besamar yakunlangan.
Britaniya hukumati ta’tili 23 sentyabrdan 6 oktyabrgacha davr ichida yakunlanadigan britaniyalik sayyohlarni ortga qaytarish xarajatlarini to‘lab beradi. Bu odamlar uchun o‘nlab charter reyslari buyurtirilgan: yaqin ikki hafta ichida bu maqsadda mingdan ko‘proq reys bajariladi. OAVda ta’kidlanishicha, bu Britaniya fuqarolarini xorijdan qaytarish bo‘yicha Ikkinchi jahon urushidan keyingi eng yirik amaliyotdir. U qirollikka 600 mln funt sterlingga (750 mln dollar) aylanadi.
6 oktyabrdan keyin sayyohlar uyga qaytish xarajatlarini o‘zlari to‘lashlariga to‘g‘ri keladi. Yevropaning boshqa davlatlarida sayyohlarni qaytarishga tegishli idoralar va hukumatlar javobgar bo‘ladi.
Britan turoperatori 60 dan ko‘proq yo‘nalish bo‘yicha oilaviy hordiq uchun arzon yo‘llanmalar taklif qilgan. 2018 yil kompaniya xizmatlaridan 19 mlndan ko‘proq odam foydalangan. Thomas Cook turoperatorlik va mehmonxona biznesi sohasida ko‘plab brendlarga hamda 30 dan ko‘proq samolyoti bo‘lgan o‘z aviakompaniyasiga ega. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?