Foto: sciencealert.com
Avstraliya milliy universiteti geofizigi Joann Stivenson va uning hamkasblari Yer yadrosi ichida noma’lum struktura belgilarini aniqlashdi.
Olimlar Yer yadrosi bir jinsli emas ekanini va o‘zida kichikroq o‘lchamdagi yana bir “ichki” yadroni saqlashini aniqlashdi. “Bu juda qiziq va kitoblarni yangidan yozishimizga to‘g‘ri kelishi mumkinligini anglatadi”, deb aytishgan olimlar.
An’anaviy farazlarga ko‘ra, Yer 4ta asosiy qatlamdan: po‘stloq, mantiya, tashqi va ichki yadrodan tashkil topgan. Biroq Yer po‘stlog‘i ostidagi qatlamlar haqidagi bilimlar vulqonlar va seysmik to‘lqinlar haqidagi bilimlarga asoslangan.
Avstraliyalik geofiziklar seysmik to‘lqinlar Yer orqali qanday o‘tishi haqida o‘nlab yillar davomida yig‘ilgan ma’lumotlarni taqqoslash uchun maxsus algoritmdan foydalanishdi.
Tadqiqot ichki yadroda chuqurlikning sezilarli o‘zgarishlarini ko‘rsatmagan. Biroq to‘lqinlar yo‘nalishining 54 darajaga o‘zgargani aniqlangan.
“Biz temir tuzilishi o‘zgarishiga ishora qiluvchi isbotlarni topdik. Ular sayyoramiz tarixida ikkita alohida sovish davri bo‘lganini anglatishi mumkin”, deb tushuntirgan Stivenson.
Yangi kashfiyot ba’zi tajribaviy ma’lumotlar nima uchun Yer tuzilishining hozirgi modellariga mos kelmasligini tushuntirishi mumkin. Olimlar oxirgi yillarda “eng ichki qatlam” borligi haqidagi taxminlarni ilgari surib kelishadi, chunki ichki yadroni tashkil qiluvchi temir kristallari turli strukturaviy joylashuvga ega. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina askarlari Zelenskiyning bayonotiga kutilmagan munosabat bildirishdi
Aleksandr Lukashenko: “Rossiyadagi saylov natijalari G‘arb aralashuvi ustidan g‘alaba qozondi”
Isroilda minglab odamlar garovga olinganlarni ozod qilishni talab qildi
Putin: Yangi vazifalar, NATO, Ukraina va Fransiya bilan munosabatlar
Xurmoning qanday foydali xususiyatlari mavjud?
103 yoshli italiyalik ayol haydovchi jarimaga tortildi
Qirg‘iziston prezidenti masjidda namoz o‘qib, iftorlik berdi
Xitoy TIV: AQSH dunyodagi eng yirik dezinformatsiya manbai