23:07 / 31.05.2021
2 010

Britaniyalik olim COVID-19 Uhanda yaratilganiga dalillar keltirdi

Britaniyalik olim COVID-19 Uhanda yaratilganiga dalillar keltirdi

Britaniyalik olim o‘z tadqiqotida COVID-19 o‘zining tabiiy ajdodiga ega emas va xitoylik olimlar tomonidan yaratilgan bo‘lib, keyinchalik izlarni yo‘qotish uchun «retro-injeneriya» yordamida uning ko‘rshapalakdan odamga o‘tgandek qilib ko‘rsatilgani haqida aytdi.

DailyMail nashri britaniyalik olim Angus Dalglish tomonidan Quarterly Review of Biophysics Discovery ilmiy nashrida chop qilinishi uchun yuborilayotgan maqola tahririyat ixtiyoriga yetib kelgani haqida xabar berdi. Tadqiqotda bildirilishicha, COVID-19 namunalarida unikal «barmoq izlari» mavjud bo‘lib, u faqatgina laboratoriyada o‘tkazilgan manipulyatsiyalar natijasida vujudga kelgan. Tadqiqot bo‘yicha funsionallikni oshirish bo‘yicha olib borilgan ishlar jarayonida SARS-CoV-2 virusi Xitoy olimlari tomonidan yaratilganiga dalillar bor.

AQSHda vaqtincha man qilingan Gain of Function tadqiqoti tabiiy viruslarni o‘zgartirib, uning insonga potensial ta’sirini o‘rganish maqsadida uning yuquvchanligini oshirishni o‘z ichiga olgan.

Tadqiqotda aytilishicha, Xitoy olimlari Xitoy g‘or ko‘rshapalaklarida topilgan tabiiy virusning «asosi»ni olib, unga yangi «tikan»ni joylashtirishgan va uni qotil COVID-19ga aylantirishgan.

Shu bilan birga, tadqiqotchilar Xitoy olimlari «ishonchli ajdodiga ega bo‘lmagan» yangi virusni yaratib qo‘yganliklarini yashirish uchun eski versiyalarni rekonstruksiya qilishganini aniqlashgan.

«Biz retro-injeneriyali virus yaratilgan deb hisoblaymiz. Ular virusni o‘zgartirishgan, keyin bir necha yil avvalgi qilingan ishlar ketma-ketligini aniqlashga urinishgan», – deydi Dalglish DailyMail nashriga.

Tadqiqotda Xitoy laboratoriyalarida «ma’lumotlar atay yo‘q qilingani, yashirilgani» va «o‘z xulosalarini bildirishni istagan Xitoy olimlari buni qila olmaganliklari yoki yo‘qolib qolganliklari» aytiladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Britaniyalik olim COVID-19 Uhanda yaratilganiga dalillar keltirdi